علمتنى الحياة

#
(( علمتنــــــي الحيـــــاة ))

انا مش حقول كلمات منثورة في الموضوع ده

انا عاوزة اشارككم وتشاركوني حاجات علمتهالنا الحياة بجد

يمكن نبقى صغيرين ان احنا نقول الكلمة دي

بس والله مش لازم نبقى عواجيز مكحكحين بعصايا معووجة وكرسي متحرك عشان نقولها

اكيد فيه مواقف الواحد اتعلم منها وساعات المواقف دي بتبقى شديدة شوية

لو فيه حاجة اتعلمتها من الحياة قلهالنا يمكن نقدر نستفيد من تجربتك

خدوا بالكم ان شاء الله حيبقى ليك الاجر لو ادتنا معلومة مفيدة وحاجة تعلمتها ممكن تفيدنا

ارفع شكواي اليك
انت الذي رحمتك وسعت كل شيء
وانا
شيء !!!!

#
12-07-2006 12:37 AM #2
e_little star

* الملف الشخصي
* مشاهدة المشاركات
* مشاهدة مقالات المدونة
* مشاهدة المقالات

e_little star غير متواجد حالياً
عضــــو

تاريخ التسجيل
Jul 2006
الدولة
alex
المشاركات
72

افتراضي رد: (( علمتنــــــي الحيـــــاة ))

علمتنى الحياة ان رزقى لا ياخذه غيرى فاطمئن قلبى وان عملى لايقوم به غيرى فاشتغلت به .
علمتنى الحياة ان المال يشترى سريرا لكنه لا يشترى النوم ويشترى الدواء ولكنه لا يشترى العافية
علمتنى الحياه ان الدهر دول (وتلك الايام نداولها بين الناس).......فيوم لنا ويوم علينا
علمتنى الحياة ان جمال الروح يهون علينا المصائب. وان جمال النفس يسهل لنا المطالب .وان جمال العقل يحقق لنا المكاسب. وان جمال الشكل يسبب لنا المتاعب.
علمتنى الحياة ان المرء باكبريه علمه وايمانه .

حقولكم موقف علمني حاجة مهمة دا

ماتديش ثقتك لاي حد

اول ما دخلت الكلية كان اهم حاجة عندي اني اكون صحاب ويمكن دي مشكلة بعانوا منها طلبة شهادات المعادلة لانهم بكونوا سايبين اهلهم وصحابهم وجايين لعالم مايعرفوش عنه حاجة

وفعلا تصاحبت على فتاة زيي شهادة معادلة وكانت كويسة اوي معايا خدنا اوي على بعض وبقينا نروح كل حتة سوا ونذاكر سوا وننام عند بعض

وبعدين حبينا نعمل شلة كاملة عشان مانبقاش لوحدنا

وتعرفنا ببنتين معادلة برضه زينا ومحترمات اوي ومحجبات وكل حاجة

واحدة منهم دخلت قلبي اوي وكانت الحاجات المشتركة بيني وبينها بتقربنا اكتر واكتر

للاسف كانت ثقتنا مش في محلها خالص

البنت التانية غارت جدا مني وحسبتني حخطف صاحبتها مني راحت وقعت بيني وبين صاحبتي الاولانية وقالتلها عني كلام وحش اوي

وماكتفتش بكدة راحت نشرت السمعة دي لاصدقائها من الشباب مع اني ماكنتش اعرف انها تعرفهم بس دي غلطتي

اديت ثقتي كاملة لواحدة معرفهاش مجرد لاندفاع عاطفي وخسرت كل حاجة

الحمد لله الحاجة الوحيدة اللي ربنا ستر فيها هيه صاحبتي الاولانية مصدقتش ولا كلمة عني ووقفت جنبي

ومع ذلك دايما بيظهر الحق في الاخر وانا متأكدة ان حقيقتي حتظهر للناس مرة تانية